أرشيف الأنباط

ordu haber
Al-anbat News

كنا بالمدرسة ناكل كبة و يلنجي و تبولة ع الصبح ونحط للمعلم ياكل معنا

هاشتاغ مع هنا الخطيب


* بالمدرسة زمان كنا نقسم الوجبة بالنص عالساكت داخل الحصة

* على هاشتاغ #بالمدرسه_كنا


الانباط

مع بدء العام الدراسي الجديد، يحن بعض الاشخاص الى ذكرياتهم بالمدرسة، كيف كانوا يمارسون طقوس الادب مع المعلمين، وكيف كانت اخلاقهم مع الطبة، من افطار جماعي وتنظيف الساحة يوميا وحصص المهني التي تبدأ منها خصلة "ست البيت"، وغيرها من الذكريات، وعلى " بالمدرسة كنا" يستعرض التويترجية ابرز ذكرياتهم.

وتغرد بتول حول ذكرياتها في المدرسة "عاملين فرقة موسيقية انا الطبال و المغني و باقي الصف كورال و كان في جزء بمثل للفيديو كليب"، وانس يغرد "نشلف تشليف جماعي احلى اشي بالكون"، وايات كانت من النوع المشاغب فتقول "نضل نرمي قضامة على معلمة الرياضيات و هي بتشرح و بس تسأل شو هاد كنّا نحكيلها انو طباشير بتكسروا منها و هي بتكتب و كانت تصدق".

وأيمن يغرد " كنا بالمدرسة ناكل كبة و يلنجي و تبولة ع الصبح ونحط للمعلم ياكل معنا"، وريتال تضيف " كنت آخذ على الرياضيات ٢ من عشرين، بابا حطلي أستاذ رياضيات خصوصي أجرة الساعة ١٠٠ دينار بعدها صرت اخذ على الامتحان صفر"، وميسر " كان يهمنا شكل المعلمة وشولابسة اكتر من الحصة".

وبتول تشارك " كنا بالمدرسة غير شكل كنا نوّر ما حدا هامو شكلوا او بريستيجوا او منطقوا،كنا بسيطين"، و" نهرب من الحصص و نروح نلعب بقسم الروضة"، وصوفيا ترى بأنه " ايام المدرسة كنا عنجد اطفال بروح عفوية وبريئة ومنستحي مش مثل اطفال هالايام ولا خصن بالبراءة".

وتضيف " ننبسط بابسط الاشياء على علامة كبيرة عرفيق ماعرف يجاوب عكذبة ماحليت الواجب لاسباب عائلية عاكل الوجبة بنص الصف الساكت"، وبثينة تضيف " نطاوش و نتصالح بدون سبب بس كنا نحب بعض"، ويونس يقول " كل اسبووع ما نصدق وتجي حصة الرياضة"، وهيفا " بالمدرسة كنا اذا راحت علينا علامة نبكي، بالجامعة صرنا نكيف عالـ 50".

اما دارين فغردت حول ذكرياتها في المدرسة " كنت دحيحة واطلع الاولى ع الصف الحمدلله لعند اولى ثانوي الجامعة فشل مش طبيعي"، وسارة تقول " كنت اقعد متخبية حصتين عربي ودين كاملين ورا بعض تحت ادراج الصف عشان ما ياخدوني عصف الغير عرب و اضلني قاعده مع صحباتي".

ومحمد يغرد "لما بدنا نحتج ع المدير نتفق ما نيجي بالزي كلنا بكرة ونجي ببلوزة سودا والمدير ما يقدر يعمل شي لـ 30 طالب"، وندى " كنا بالمدرسة ابرياء وأكبر همنا نحل الواجب أو يزقفولنا لما المعلمة يعجبها خطنا ويوم الشهادات نموت خوف ويوم اجتماع أولياء الأمور يوم رعب".

ورولا تشارك " كنا بالمدرسة ازا في حصة فراغ لازم تصير حصة تعليم رقص و مواهب من مختلف الأنواع"، وسعاد " كنا نحط شيبس الخل بقلب منقوشة الزعتر، و لما اقول منقوشة زعتر يعني عجينة مخمجة و حجار مع شوية زعتر بس كانت طيبة"، و" نعمل فطور جماعي تحت الدرج بدون ما حدا يعرف و ريحة المقدوس تعبي الدرج".

وريم تقول " كنا بالمدرسة نزرع عدس على القطن واحنا صغار عشان وظيفة العلوم"، وفؤاد كانت هوايته " نرسم قلوب عالدفاتر ونحط شوارب لصور الشخصيات بكتاب القراءة".