أرشيف الأنباط

ordu haber
Al-anbat News

اتفق الأردنيون على"شو هاظ شو هاظ" و"يسعد الله بس" اقوى انواع الغزل

هاشتاغ مع هنا الخطيب

* على هاشتاغ #غازلها_بالاردني

* انتي كاسة شاي بنعنع بعد مِنسَف لحمة يوم الجمعة

الانباط

قالوا بأن الاردنيين لا يعرفون الغزل ولا يدلون طريقه، الى ان جاء من يشق طريق الحب بهاشتاغ اردني زخم عن العشق والغزل " غازلها بالاردني" انطلق عبر تويتر اليوم ليبرهن للعالم رومنسية الاردني، وكيف يغازل بطريقته الفريدة، حتى تعشقه الفتيات من كل البلدان، فلا اجمل من طريقة غزل اردنية مليئة بالحشم والركازة.

فطريقة غزل احمد بالاردني كانت "ايش يابطة"، وعلي البطيحة " يسعد شدوقـch"، ومرام تغرد " الاردني مابعرف يتغزل بس بضل مبحلق بالبنت لحتى توافق تتزوجه"، اما طارق فله طابع خاص "خاطري لغير البدوية لا يحن ولا ينحني"، وابراهيم يستعرض اخر تطورات الغزل في الاردن "الشب: اذا لازم اي شي احكي، البنت: بدي مصاري امشي اموري، الشب: طيب انا مستعجل حياتي سلام".

وغرد معاذ "بحبك قد ذبان الغور، بحبك قد تكاسي عمان، بحبك قد نق النسوان"، وام عبيد تقول عن طريقة عزل زوجها بها "انتي كاسة شاي بنعنع بعد مِنسَف لحمة يوم الجمعة"، و"انتي الراتب الشهري والمكافأة"، وبتول تضيف " منين جايبة هالحلاوة، شو لون بجامتك"، وروان تشير الى طرق غزلية اردنية "كيفك ياحصتي، حليانة ياحيوانة".

اما نزال فطريقته بالغزل كانت بلدي "بحبتش ينعن عينك"، وشهد يقول "أنت منسف وباقي الاناث مقبلات"، وعرين تشارك " الاردني بحكيلها ولي هبلة انتي ولا المشكلة بتكيف"، واسماء تغرد " اكتر غزل بصير انه يحكيلها اكلتي؟، هون بكون هو كتير حنون مبين وخايف عليها من الجوع".

ومن انواع الغزل الاردني بحسب احمد " لما الزلمة يحكي للمرة خذيلك فغمة"، وعلي تشارك " انتي منسف حياتي ومقلوبة عمري وانا من غيرك عدس"، وتقول اية " السب لما بدو يتغزل ببنت خصوصي اذا كان في الحارة بصير يلاعب الولاد الصغار قدامها عأساس انه حنون، وهو بس يروح بموت خواته كتل".

اما سجى فأشارت " اتفقوا الأردنيين على"شو هاظ شو هاظ" و"يسعد الله بس" اقوى انواع الغزل"، ومحمد يغرد " يفضح عرض النوم طيرتي عقلي زي راس تفاحتين اخر ليل"، اما علي قشوع فتغزل على الهاشتاغ كالتالي " ينعن روما شو بتخنقي، يخرب بيتك محلاكي"، والمختار كانت له نصيب من الغزل فقال" ولك اموت دعس بتركتر اموت طخ بفرد مي".

ومحمد يغرد "غزلي ما بكمل الا بمسبة جنبه زي اشتقتلك ياكلبة، بموت فيكي ياحيوانة وما بعرف ليش"، وعدي يتغزل " تلعبين بأعصابي مثل سيجاره بعد منسف"، ومي " لما الزلمة يقول شو هاظ والاهم من هيك انو البنت بتستحي وبتنعجق"، واحمد يقول " أنتي كمنسف يوم الجمعة بعد الصلاة ويليه كأس من الشراب ثم أرجيلة".

وعبدالرحمن يغرد " حبيتك من أول لده"، وريم " الاردني هيك بتغزل : ممكن ادعس ع وجهك ليش ؟! عشان اكون اول أردني بطلع على القمر"، وقصي يغرد " بدي اهديكي اغنية "جيشنا جيش الوطن".