أرشيف الأنباط

ordu haber
Al-anbat News

نهاري خلال التوقيت الشتوي عبارة عن ١٦ ساعة بالبيجاما و ٨ ساعات بالشغل

هاشتاغ مع هنا الخطيب

نهاري خلال التوقيت الشتوي عبارة عن ١٦ ساعة بالبيجاما و ٨ ساعات بالشغل

* التوقيت الشتوي يعني لو اجوزت بعد العشا احتمال تصلي مع ابنك الفجر

 

الأنباط

 

ساعة زيادة كسبها الشعب الاردني بعد تعديل الساعة على التوقيت الشتوي، والذي يعني ان تعود بالوقت ساعة للوراء، فأغلب التويترجية اعادوا ساعاتهم فعلا للوراء لكن كيف، عن طريق سحبها اقرب الى كوع يدهم، هكذا ابتدأت فكاهة الاردنيين على هاشتاغ "التوقيت الشتوي".

وغردت ميسون " يعني لو تنام مليون ساعة بتصحى بتلاقي حالك لسا صاحي بكير"، ونغم تقول "" يعني رح انام ساعة زيادة " أكثر جملة رح تسمعها في الأيام الجاية بمناسبة"، وعبد الله يشارك "اذا صحيت و لقيت حالك صاحي بكير و فكرت حالك نشيط... لا تصدق"، وعبير تضيف "كم الساعة هلأ؟ سيكون السؤال الأكثر تداولا خلال اليومين القادمين؟".

وغرد حسام على الهاشتاغ " التوقيت الشتوي يعني لو اجوزت بعد العشا احتمال تصلي مع ابنك الفجر"، وانتصار تقول " بتطلع الصبح بتكون الدنيا لسا معتمة ما طلعت الشمس وبترجع ع البيت بكون ليل لانه عتمت الدنيا بكير"، واحمد تميمي يعلق " منام ومناكل ومنروح ومنيجي ومنقعد ولسا الساعة 8".

الا ان سيد يعبر عن كرهه للتوقيت الشتوي " لو اشبع نوم 100 ساعة رح اضل اكرهك"، وايمان تضيف " نمت وصحيت 10 مرات والليل لسا ما خلص"، وثراء تغرد" في التوقيت الشتوي رح تخلص الاكل يلي بالتلاجة و رح تخلص 10 جيجا نت و لسا الساعة ما صارت 9"، وهنا تغرد " رح يكون في وقت اكتر لشرب قهوة اكتر ".

اما صلاح فغرد " بحكيلك: "لا ليل يكفينا لنحلم مرتين" الا لما اجا التوقيت الشتوي غيروا رأيهم"، والزغول " يا جماعة الظهر قاعد بأذن ع الصبح  مش معقول هالتوقيت"، وسارة تغرد " صرنا نصلي كل الصلوات بوضوء واحد "، وسبأ تقول " ايش هو  التوقيت الشتوي انها تاخذ معك ساعة ونص (اقل اشي) طريق الترويحة ويطب عليك النعس الساعة 7 فبتنام وترجع تصحی الساعة 10 مفكر الك قرن نايم".

وفرح العزب تغرد على التوقيت الشتوي " نهاري خلال التوقيت الشتوي عبارة عن ١٦ ساعة بالبيجاما و ٨ ساعات بالشغل"، ومحمد نور يقول "بالرغم إنه اليوم اللي قبل الإمتحان بمرق بسرعة وبنلحقش دراسة عادةً، إلا إني حسيت اليوم 94 ساعة، بس برضو ملحوق دراسة".

وفادية تغرد عن التوقيت الشتوي بالنسبة لها " زي التحوّل من شاي بنعنع الى شاي بالميرمية"، و"مش لأنه عتمت الدنيا يصير بدكم تنامو ترا الساعة ما صارت سبعة يعني ما يغركم"، وانس يشارك "معاناة حاس انه صرلي يومين صاحي الوقت مو راضي يمشي"، والاء الاشقر تشارك تجربتها بالتوقيت الشتوي "ختمت مادة و لعبت و اكلت و لعبت و اكلت و رجعت ادرس و صيفت و رجعت شتيت و لسا الساعة ما صارت 12 الظهر".