أرشيف الأنباط

ordu haber
Al-anbat News

عزيزي موظف التعداد السكاني بديش أذكّرك إلا اسم الأم دير بالك

هاشتاغ مع هنا الخطيب

* أصلاً لازم تعددوا ع مهلكم.. خذولكم اسبوع شو ورانا

الأنباط

التعداد السكاني خطوة نحو الارتقاء والبناء لنكن يدا بيد لتحقيق النماء وتجسيدا لمعاني الوطنية في بوتقة واحدة التعداد حق وطني، هكذا اعتبر الاردنيون هذه الخطوة، وقاموا باطلاق هاشتاغ للحديث عن الامر مع القليل من " خفة دمهم" ليعبروا عن فرحتهم للمشاركة بهذه الواجب الوطني.

وغرد رامي على هاشتاغ التعداد السكاني "مساهمة مني للحكومة عديت بنات حارتي ٩بنات ٢ خاطبات بضل ٧ ٣منهن بشعات و ٤مزز"، اما سائد حدادين فغرد " واجب وطني و مهني .. ان التخطيط لأي هدف استراتيجي يرتكز على البحث و دراسة حجم السوق و هنا تكمن الأهمية المهنية".

وغرد محمود " يعني اليوم كل الاردن حلاقين"، وابو عجرم أضاف "اصلاً لازم تعددوا ع مهلكم.. خذولكم اسبوع شو ورانا"، ويوسف يستذكر "مش عارف ليش تذكرت باب الحارة لما ابو حاتم كان يعطي اسماء بناته لأبو جودت"، وولاء تشارك "هلا شو بده يقنع الشعب انو العطلة مش عشان يطشوا العطلة عشان ننضب بالبيوت و يعدونا".

اما سيف الرشق يغرد " عزيزي موظف التعداد السكاني بديش أذكّرك إلا إسم الأم دير بالك"، وزيد فخيدة يغرد " عطلة ولسا الرواتب ما نزلت نفس لما تعطي طفل لعبة بدها بطاريات"، ومي تغرد غاضبة على المعترضين " مش معقول شعبنا شو بحب الدراما !! ولكو خلو العالم اتعدوكو وانتو منطمين وساكتين، شو مأثر عليكم العد من عدم العد".

ومحمود يتسائل " هسه الحامل بيحسبوها واحد ولا اثنين"، وايمان الحويطات تشارك " من الشمال الى الجنوب ... من الغرب الى الشرق جميعنا سوف يتم عدنا غداً... تعدادنا مستقبلنا"، وروز تقول " لن يترتب عليه أي التزامات"!! ليش هم بعاملونا ع اساس إنه احنا بنخاف من كل فكرة..عادي تعداد مش حرب".

فيما غرد محمد خليفات على التعداد السكاني " ساهم في بناء قاعدة بيانات صحيحة حتى تكون خطوة للأمام في خطة الاصلاح الشامل"، و" قرار العطلة المفاجئ بخصوص التعداد السكاني جاء لجذب انتباه العموم للعملية لا غير .. حكومة عارفة شعبها صح".

وفهد ابو الغنم يضيف " لا تخافوا العطلة جاي جاي مش معقول يدقوا ابواب نص البيوت وما حدا يفتح"، ومرام يغرد " التعداد السكاني مسكن مسكن بيت بيت دار دار"، وسعد يغرد " هو دراسة زمانية و مكانية لا تقتصر على المواطنين بل على كل من يسكن في الدولة و تشمل السائح و العامل الوافد و اللاجئ".

وقاسم صدقة يشير الى ان موظفين التعداد لن يجدوا احدا في المنزل ليعدوه " عليّ الجيرةغير تبعون التعداد ما يلاقوا حدا في بيته يعدّوه"، ولين تعبر عن فرجتها " احلا اشي انه عطلة"، ومالك يقول " واجب وطني يجب التعامل معه بكل مصداقية و شفافية حتى بلدنا يتطور للأحسن و يصير أفضل وطن".