أرشيف الأنباط

ordu haber
Al-anbat News

أغلب اللي حكوا عن عيد الحب حرام وبدعة.. هم اللي بحتفلوا فيه

هاشتاغ مع هنا الخطيب

* مش مهم العيد المهم الهدايا

* بهاليوم سجلوني غايب كالعادة

 

الأنباط

ككل عام في هذا اليوم ، يصبح اللون الاحمر بطل الحكاية ، والمفاجآت هي السيناريو الذي يعيشه الكثير من الاشخاص احتفالا بهذا اليوم ، وبغض النظر عن طبيعة وحقيقة هذا اليوم، فلا تنفك الشركات التجارية من استغلاله خاصة محال الورد والاكسسوارات ، وجذب الزبائن بعمل "عروض ذهبية" هي المفتاح لسر نجاح العملية.

انقسم عالم تويتر ما بين مؤيد ومعارض واغلبهم محايد للاحتفال او الاعتراف بهذا اليوم ، فمعظم الذين عبروا عن حبهم لهذا اليوم، يشيرون بأن القصة ليست ايمانا بقصته ، انما طبيعة الاجواء التي يشعرون بها في كل مكان ، سواء الاسواق او المطاعم ، فالاجواء مشجعة للاحتفال به ، وقسم اخر اعترف بعدم الاحتفال به علنا ، لكنه مناسبة جميلة لانعاش الحب الزوجي من جديد.

وغردت سمية على هاشتاغ عيد الحب " هلا بطلعولك كل النفسيات اللي بحكو ان م افي حب بالعالم وابصر شو..ياجماعة يوم ممتع مش اكتر .. انبسطوا فيه وبس استمتعوا باللون الاحمر بكل مكان .. حسوا بالحب والمبادرات الجميلة" ، ومنار يغرد " اغلب اللي حكوا عن عيد الحب حرام وبدعة.. هم اللي بحتفلوا فيه".

اما نور فعبرت عن رأيها " انا ضد أعياد غير المسلمين ، لانه انا مش هجامل بديني بس ومش عنصرية انما هو ديني ولا استطيع مخالفته"، وتضيف " الحب مش محتاج عيد مرة ثانية جننتونا بهالاعياد كريسماس وعيد حب بتعرفوا انه الكريسماس هو احتفال للمسيحيين".

ويشارك عبدالله " بهاليوم الجميل اللي سنجل زيي يصف جنبي"، وصابرين تغرد " مش مهم العيد المهم الهدايا"، وعبير تشارك " بهاليوم سجلوني غايب كالعادة"، قال لزوجته في عيد ‫‏فالنتين فتشت عن الأحمرلأهديك عربون حبي لك فلم أجد أحمر مني لأني أخترتك ".

وقالت اريج عن عيد الحب "انا بنسى هاد اليوم كل سنة، بس اللون الاحمر بكل مكان برجع يذكرني وبأخر دقيقة بشتري شي لزوجي"، ومحمود يغرد " اصلا كل الناس بتحتفل بهاليوم ليش بكابروا مابعرف"، ويضيف " ايش فيها لو الزوجة اختارت هاليوم لتعمل اشي غير لزوجها".

اما عزيز فغرد " ترى مايهمني عيد الحب ولا عمري اهتميت فيه وزيه زي اي يوم عادي"، ويغرد طارق بهذه المناسبة " تعلموا الحب اولا ثم اصنعوا له عيد"، ومرام تغرد " اكتر شي بنرفزني المجات الحمر والدباديب الحمر اللي بكل مكان بهاد اليوم"، وشروق " لما كنت بالمدرسة كنا وصحباتي دايما نجيب لبعض هدايا بعيد الحب والمديرة تصادرهم كلهم".

ومرح تغرد " تم تأجيل عيد الحب لحتى لاقي حبيب شو انتو تحبو وانا بتفرج عليكم"، وختام اضافت على كل التغريدات " بما إنوعيد الحب  اليوم للي بدها تطلع مع زوجها تحط عندي الأولاد بـ 75دينار للي بدها تطلع مع حبيبها بلهيلها إمها ب200ـ دينار يلا بدنا نسترزق".