أرشيف الأنباط

ordu haber
Al-anbat News

#هاشتاغ مع سحر ‏قصة واقعية‬

الانباط - سحر الخطاب

‫#‏قصة_واقعية‬

اول ما تعرفت على الانسان الي رح أكمل معه بقية حياتي كنت انسانة طايشة و مستهترة و كنت من النوعية الي بس تعصب بتخبص بالحكي و قال بسكر الخط في وجهة الي بحكي معه.. "هيك كان أسلوبي" 
المهم كنا في بداية معرفتنا ب بعض، و في مرة عصبت منه و فعلا سكرت الخط بنص وجهو ، "لانه هيك انا بفش غلي لما انقهر من اسلوب مش حلو معي " ، 
المهم 
هو انصدم، رن علي و طلب يشوفني ضروري و حكى معي برواق كتير و فعلا تقابلنا, حكالي شوفي يا بنت الناس انا ما بحب الي بيسكر الخط في وجهي و الصراخ لانه هاد مش اسلوب لحل المشاكل, الحل بسيط, لما تحسي انك متدايقة مني بشي جيبي ورقة و قلم و اكتبي فيها كل شي زعلك مني,
و بنطلع انا و انتي و بنتناقش بالنقطة الي كتبتيها نقطة نقطة بهدوء و بنحاول نحلها و نصلحها عشان نبني علاقتنا على اساس صحيح.. و انا لو عندي شي رح اكتب و اعمل نفس الطريقة..

الحمدالله عمرنا ما راكمنا مشكلة كل مشاكلنا بنحلها اول ب أول بالنقاش و المواجهة و الاسلوب الحلو، لما يصير خلاف ما بنتركه و بنمشي من دون ما نحله و ما بنراكم شي سلبي جوانا اتجاه بعض و بصفي قلوبنا دائما.. و مع الوقت علاقتنا صارت تتحسن و نفهم بعض اكتر و اكتر و انا بطلت مصروعة "الحمدالله".. و هلا صار عندي بنت بس يا رب كمان ما تطلع مجنونه متلي ..!!

** حلو الواحد يعرف يلاقي طرق راقية عشان يحافظ على علاقته بالانسان الي مهم بحياته .. حلو النقاش .. حلو الواحد يصفي قلبه .. حلو تقبل الطرف الاخر .. حلو نحتوي و نتحمل بعض ..!

‫#‏التفاهم_والحوار_الراقي_أهم_شي_بالعلاقات‬ ..