أرشيف الأنباط

ordu haber
Al-anbat News

#هاشتاغ مع سحر من و انا طفلة

الانباط - سحر الخطاب

 

من و انا طفلة ما بتذكر بحياتي سمعت من اهلي كلمة انه هاد مسلم او هاد مسيحي .. هاد اردني و هاد فلسطيني.. هاد بدوي و هاد مدني .. هاد عراقي و هاد سوري ..هاد غني و هاد فقير .. شركسي و شيشاني .. فلبيني و اندونيسي ..

بحياتي ما سمعت مقارنات و عمري ما عشت في جو عنصري .. 
اتربيت في جو يحترم الجميع من دون استثنائات ، يحترم الانسان بالدرجة الاولى ، يحترم الناس جميعهم مهما اختلفنا عن بعض ..

بستغرب من الناس الي عندهم "العنصرية" أسلوب حياة و عندهم هجوم و اندفاع في أمور بحس هما نفسهم مش فاهمينها أصلا ..
بستغرب من الي بيتعاملوا مع الناس بدونية او بعنف "لفظي لو سلوكي" .. اتجاه البشر التانيين ..

طول عمري بسمع من بابا جملة "إحنا بنعمل بأصلنا مع الكل" .. عمري ما سمعتو بيحكي عن شخص معين بجنسيته ، بديانته ، بشكله ، بمستواه الاجتماعي ..الخ

بحمد الله الف مرة اني تربيت في جو نفسي مريح من ناحية "العنصرية"..و بشكر اهلي انهم عمرهم ما كانوا من الناس الي تفكيرهم سطحي ولا ربوني عالسطحية ..

** الشخص العنصري انسان بيعيش بحالة نفسية صعبة و حرب داخلية مع نفسه .. الشخص العنصري "سامحوني" لكنه انسان غير متصالح مع نفسه ..!