أرشيف الأنباط

ordu haber
Al-anbat News

#هاشتاغ مع سحر لا تستعجل في التقييم

الانباط - سحر الخطاب

من شي 4 سنين في بنت كانت بتحكي معي المهم حكتلي عن موقف صار معها و كيف هي اتصرفت و شو حست ، ف انا انصدمت و من جواي حكيت و من دون ما ابينلها اي ردة فعل انه 
"يا الله كيف هيك نفسيتها و كيف هيك تصرفت و ضليت يوم كامل افكر و مش متخيلة عنجد كيف هيك في ناس قاسيين لهدرجة"..

المهم اليوم و تحديدا بعد 4 سنين ، صار معي نفس الموقف الي صار معها و الغريب جدا في الموضوع اني اتصرفت بنفس الطريقة "بالتفصيل الممل" الي هي اتصرفتها و حكيت نفس الكلام الي ما كان عاجبني من 4 سنين و كان صادمني و مدايقني و مش عاجبني ..

**حسيت لحظتها ربنا بيقولي "لا تحكمي على حدا من دون ما تجربي احساسه او حتى تنحطي في نفس موقفه" ..

حسيت ربنا بدو يفرجيني "أديش انا ضعيفة و اديش انه لازم أتلمس لغيري الف عذر مش ع طول انتقدوا او افكر فيه بطريقة غلط او أفكر انه شخص مش منيح من دون ما أعرف الظروف الي اتعرض الها " .. **

فعلا ما حدا ممكن يحس في حدا الا اذا جرب نفس الي هو جربه .. كتير بنظلم ناس و بننتقدهم من جوانا لاننا ما كنا في موقفهم او مش حاسين هما شو حسوا او مش عارفين شو الي وصلهم ل هالشي..

‫#‏لا_تستعجل_في_التقييم‬