أرشيف الأنباط

ordu haber
Al-anbat News

مزز على جنب الطريق

 

 

جاء في الخبر ..انه تم القاء القبض على 14 بائعة هوى ..و اللي مش فاهم معنى ( بائعة هوى ) أقول له : وجع يخلع بوزك ..المعنى سافل ووسخ و يخلي الراس مش مرفوعة ..بس أقدر أقرّب لك المعنى و أقولك : بائعة الهوى يا سيدي هي التي تبيعك خدمات جنسية ..فهمت و إلا بدك توضيح أوضح من هيك ...؟؟ لا ؛ إذا ما فهمت بتكون تخنتها ؛ وبصراحة ما عندي استعداد أوضح أكثر من هيك ..

المهم ..الخبر بيحكي إنو هناك حملة أمنية لأبو موزة على هيك شغلات ..تشمل الناس اللي راكبين سيارات ومركبين ( مزز ) معهم و واقفين على جنب الطريق و نازلين شغل في بعض ..شغل عيب يعني ..

و بيحكوا انو الناس المحاوطين الشوارع المشبوهة هم الذين اشتكوا من هيك حركات و هيك تصرفات لا أخلاقية .. وإنو الاجهزة شادة حالها و نازلة كبس على هيك أشياء ..

أنا ما عندي مانع ولا لولب ..بس ما تكون الشغلة ( فزعة يومين ) و بعدها كأنك ( يا أبو زيد ما غزيت ) ..بدنا عن جد ينحط حد لهيك تصرفات تثير الريبة في الشارع العام و تخلي منظرنا مش حلو قدّام الأخرى ..

كل واحد عندو سيارة قال ., وفاضي ..يروح مزبطلي وحدة من إياهن و ياخذها على جنب الطريق ...! شو هاظ ..؟؟ استحوا ...ريحتكو طلعت ..