أرشيف الأنباط

ordu haber
Al-anbat News

وجه الشبه بين أمريكا والبامبرز

 


المشرمحي: بالك ممكن هالزمن يتغيّر ؟؟

أبو العرّيف: أكيد ..دوام الحال من المحال

المشرمحي: يعني أمريكا رَح تبطل الدولة الأولى في العالم ؟؟

أبو العرّيف: قول إن شا الله

المشرمحي: صحيح بدّي أسألك ولا أسألك عن ذنوبك

أبو العرّيف: اسأل ولا تهاب

المشرمحي: شو وجه الشبه بين البامبرز وأمريكا ؟؟

أبو العرّيف: شو هالسؤال هاظ ؟؟

المشرمحي: والله أنا هيك سمعتو ..وشغل مخّك ترى الجواب سهل

أبو العرّيف: أمريكا فيها مُغّيط والبامبرز فيه مغّيط

المشرمحي: فيه أنواع ما فيها مغيط ..وكمان شو هالجواب التافه  ؟؟

أبو العرّيف:البامبرز لونه أبيض ..وأمريكا فيها اللون الأبيض كثير

المشرمحي: ولَكْ فيه بامبرز مِش أبيض ..وكمان كل الدول فيها أبيض ..مش أمريكا وبس.

أبو العرّيف:أمريكا تتصرّف زي الأطفال ..والبامبرز للأطفال

المشرمحي: أول شي أمريكا ما تتصرّف مثل الأطفال ..هاي مجرمة ..وثاني شي ..البامبرز مِش للأطفال وبس ..يعني انت ممكن بكرة يلبسوك وحدة.

أبو العرّيف: فال الله ولا فالك ..أنا عجزت ..قولي شو وجه الشبه؟

المشرمحي: خَلَص سلّمت

أبو العرّيف: آه ..ومتشوّق للجواب

المشرمحي: ولك يا حمار ..أمريكا والبامبرز ..الثنتين مسيطرات على الوضع..

أبو العرّيف: هاهاها هاهاها هاهاها...!!